راچڵەکین-
ئیدارەی گەرمیان بڵاویکردەوە: لەپێناو سەلامەتی گیانی
هەموو لایەک، ئیدارەکەمان بڕیاریدا سبەی سێشەممە، لە سەرجەم دامودەزگاکانی حکومەت
بە ناوەندەکانی پەروەردەوە بکرێتە پشوو.
دەقی راگەیەندراوەکەی ئیدارەی گەرمیان:
بەپێی پێشبینیەکانی بەڕێوەبەرایەیی گشتی کەشناسی و بومەلەرزەزانی هەرێم، شەپۆلێکی توندی بارانبارین روو لە سنوری ئیدارەی گەرمیان دەکات، بە لەبەرچاوگرتنی پێشبینیەکان و لەپێناو سەلامەتی گیانی هەموو لایەک، ئیدارەی گەرمیان بڕیاریدا، سبەینێ سێشەممە رێکەوتی (٢٠٢٥/١٢/٩) لەسەرجەم دامودەزگاکانی حکومەت بەناوەندەکانی پەروەردەوە، بکرێت بە پشوو، جگە لە فەرمانگە خزمەتگوزارییەکان و دامودەزگا ئەمنییەکان، کە لەئەرکدا دەبن.