چی روویدا: دەرباز کۆسرەت رەسوڵ ئەندامی مەکتەبی سیاسی و لێپرسراوی مەکتەبی پەیوەندییەکانی یەکێتی نیشتمانی کوردستان، پێشوازیکرد لە محەمەد کازم ئال سادق باڵیۆزی کۆماری ئیسلامی ئێران لە عێراق و وەفدی هاوڕێی.

ئەوەی پێویستە بیزانیت: لە دیداەکەدا باس لە بارودۆخی ناوچەکە و پێشهاتە نوێیەکان لە عێراق و هەرێم، پرسی پێکهێنانی کابینەی نوێی حکومەتی عێراق و هەرێم کرا.

چی وترا: دەرباز کۆسرەت رەسوڵ رایگەیاند: خواستی یەکێتی ئەوەیە کورد بە یەکگرتووی لە بەغدا بێت و بەشداری حکومەتی نوێ بکات، لە هەرێمیش هەرچی زووە کابینەی نوێ پێکبهێنرێت.

ئەمەش هەیە: سەقامگیری ناوچەکە و پەیوەندییە لەمێژینەکانی نێوان کورد و کۆماری ئیسلامی ئێران تەوەرێکی تری کۆبوونەوەکە بوو.

لەوبارەیەوە: جەختکرایەوە لە پەرەپێدانی ئاڵوگۆڕە کەلتوری و بازرگانی و مرۆییەکانی نێوان هەردوو گەلی کورد و کۆماری ئیسلامی ئێران