راچڵەكین-
وتەبێژی حكومەتی هەرێمی كوردستان لەبارەی راگەیاندنی پشوو لەپارێزگاكانی هەرێمی كوردستان بەهۆی شەپۆلی بارانبارین و مەترسی ڕوودانی لافاو ڕوونكردنەوە دەدات.
پێشەوا هەورامانی، ڕایگەیاند، وەزیری ناوخۆی هەرێم لەگەڵ پارێزگارەكان قسەی كردووە و دەسەڵات بە پارێزگاكان دراوە، بە هۆی شەپۆلی بارانبارین و مەترسی ڕوودانی لافاو، بڕیار لە پشووی سبەینێ چوارشەممە 10ی كانوونی یەكەمی 2025 بدەن.
"حكومەتی هەرێم ئامادەكاری كردووە بۆ بەدەمەوچوونی ئەو دۆخە و پێشتریش هۆشداری دراوە لە ئەگەری ڕوودانی لافاو." هەورامانی وا دەڵێـت
بە هۆی ئەو شەپۆلە بارانە بەخووڕەی كە لافاوی لێكەوتەوە، دوو كەس لە چەمچەماڵ و كەسێك لە شارەدێی لەیلان باشووری ڕۆژھەڵاتی شاری كەركووك، گیانیان لەدەستدا، هاوكات حەوت كەسی تر بریندارن.