راچڵەكین-
هاتوچۆكردن و گەشتكردن لە سنوری دەروازەی (زێت) رادەگیرێت، بەڕێوەبەرایەتی دەروازەكەش دەڵێت:"هۆكاری داخستنەكە كاركردنە لە رێگای دەروازەكە لە سنوریی توركیادا."
ئەمڕۆ پێنجشەممە 18ی كانوونی یەكەمی 2025 بەڕێوەبەرایەتی دەروازەی نێودەوڵەتی زێت هاووڵاتییان و گەشتیارانی سنوورەكەی ئاگاداركردووەتەوە، سبەینێ هەیینی هاتوچۆكردن لە دەروازەكەدا دەوەستێت.
وەستانی هاتوچۆكردن كاتییە و رۆژی دووشەمە 22ی كانوونی یەكەمی 2025 ئاسایی دەبێتەوە و دەروازەكە بەڕویی گەشتیاراندا دەكرێتەوە.
بەڕێوەبەرایەتی دەروازەی نێودەوڵەتی زێت ئاماژەی بەوەكردووە :" هۆكاری داخستنەكە كاركردنە لە رێگای دەروازەكەدا، لەڕووی دەروازەی دەرەجیكی دیووی توركیاوە".