وتەبێژی پۆلیسی گەرمیان دەستگیرکردنی پێنج کەسی لەسەر شەڕەکەی دوێنێ
راگەیاند.
سەربەرز عومەر وتەبێژی پۆلیسی گەرمیان رایگەیاند: پێنج کەس لەسەر
رووداوەکەی دوێنێی گوندی خاڵەبەگی سنووری ئیدارەی سەربەخۆی گەرمیان دەستگیرکراون.
ئاماژەی بەوەشكرد: دوو لە دەستگیرکراوەکان خۆیان رادەستی هێزەکانمان کردووە
و سیانەکەی دیکەش لەلایەن هێزە ئەمنییەکانەوە دەستگیرکراون.
شایەنی باسە ئێوارەی دوێنێ هەینی لە گوندی خاڵەبەگی سەر بە قەزای رزگاری،
لەسەر کێشەی زەویوزار شەڕ لەنێوان دوو بنەماڵەدا روویدا و بەوهۆیەشەوە چوار کەس
گیانیان لەدەستدا و لەو چوارەش سیانیان برای یەکترن.