راچڵەكین -
ئاسایشی هەولێر دەستگیركردنی ئەو تۆمەتباری راگەیاند كە بەكارهێنەری ماددەی هۆشبەر بووە و لە یەكێك لە گەڕەكەكانی شارەكە بە تەقەكردن كاری ئاژاوەگێڕی ئەنجامدابوو.
بەڕێوەبەرایەتی ئاسایشی هەولێر لە راگەیەندراوێكدا بڵاویكردەوە، بە فەرمانی دادوەری لێكۆڵینەوەی ئاسایش، تۆمەتبارێك بەناوی ( گ ، ز ، ف) دەستگیر كرا، كە لە یەكێك لە گەڕەكەكانی شاری هەولێر هەڵساوە بە تەقەكردن و دروستكردنی كاری ئاژاوەگێڕی.
هێزەكانی ئاسایشی هەولێر لەكاتی دەستگیركردنی تۆمەتبارەكەدا، دەستیان بەسەر چەكێكی بێ مۆڵەت لە جۆری (كلاشنكۆف)دا گرت، ئەوەش ئاشكرا كراوە كە تۆمەتبارەكە بەكارهێنەری ماددەی هۆشبەرە و چەند گرامێك ماددەی هۆشبەری لە جۆری كریستال لابووە، لەگەل بڕێك دراوی ساختەی عیراقی لە جۆری 10 هەزار دیناری.