راچڵەكین -
وەزارەتی كارەبا ئاشكرایدەكات بەهۆی گرفتێكی تەكنیكییەوە لە كێڵگەی كۆرمۆر، بڕی 250 ملیۆن پێ سێجا گاز كەمیكردووە و بووەتە هۆی كەمبوونەوەی بڕی هەزار مێگاوات كارەبا.
وەزارەتەكە لە راگەیەندراوێكدا بڵاویكردەوە، ئاگاداری هاوبەشانی كارەبا دەكەینەوە بەهۆی گرفتێكی تەكنیكییەوە لە كێڵگەی كۆرمۆر، بڕی 250 ملیۆن پێ سێجا گاز كەمی كردووە و بووەتە هۆی كەمبوونەوەی بڕی 1000 مێگاوات كارەبا.
وەزارەتی كارەبا ئاماژەی بەوەشكردووە، لەگەڵ وەزارەتی سامانە سروشتییەكان و تیمەكانی داناگاز، لە هەوڵدان بۆ چارەسەركردنی گرفتەكە و ئاساییكردنەوەی بارودۆخەكە.