راچڵەکین-

وەزارەتی کارەبای حکومەتی هەرێمی کوردستان بڵاویکردەوە: بەهۆی کێشەیەکی تەکنیکی لە هێڵەکانی گواستنەوەی گازی سروشتی بۆ وێستگەکانی کارەبا، گرفتی بچڕانی کارەبا لە بەشێک لە پارێزگاکانی هەولێر، سلێمانی و دهۆک دروستبووە و بەشێوەیەکی کاتی کاریگەری لەسەر تۆڕی نیشتمانی دەبێت.

ئاماژەی بەوەشکرد: تیمەکانی وەزارەتی سامانە سرووشتییەکان لەگەڵ کۆمپانیای داناغاز سەرقاڵی چارەسەرکردنی گرفتەکەن و لە چەند کاتژمێری داهاتوو گرفتەکە چارەسەر دەکەن و دۆخی کارەبا ئاسایی دەبێتەوە.