راچڵەکین-

دەزگای ئاسایشی هەرێم دەستگیرکردنی ئەندامی باندێکی ساغکردنەوەی دراوی لە سلێمانی راگەیاند.

دەزگای ئاسایشی هەرێم لە راگەیەندراوێکدا ئاماژەی بەوەکردووە: لەکاتی هەوڵدان بۆ دەستگیرکردنی، تۆمەتبارەکە ئامادە نەبووە خۆی رادەست بکات و دوای رووبەڕوبوونەوەی بە برینداری دەستگیرکراوە.

دەقی راگەیەندراوەکەی دەزگای ئاسایشی هەرێم:

بەڕێوەبەرایەتی ئاسایشی پارێزگای سلێمانی، دوای کۆکردنەوەی زانیاری لەسەر باندێکی ساغکردنەوەی دراوی تەزویر، بەدواداچوون و چاودێری ورد ئەنجام دەدات.
دوای ئەوەی لە ٢٠٢٦/٢/١٦ ئەندامێکی باندەکە دێتە شاری سلێمانی بەمەبەستی ساغکردنەوەی بڕی ( ٤٠ )هەزار دۆلاری ئەمریکی، بەگەیشتنی بۆ شاری سلێمانی هەوڵی دەستگیرکردنی دەدرێت لەلایەن هێزەکانی ئاسایش، بەڵام تۆمەتبار ئامادە نەبوو خۆی ڕادەست بکات و دوای ڕووبەڕوبونەوە بەبرینداری دەستگیرکرا و ڕەوانەی نەخۆشخانە کراوە.
لەئێستادا تۆمەتبار بەماددەی ( ٢٨١ )لەیاسای سزادانی عێراقی ڕاگیراوە و لێکۆڵینەوە لە دۆسییەکەی بەردەوامە.