راچڵەكین -
دەزگای ئاسایشی هەرێم زاناریی ورد لەبارەی رووداوەكەی ئەمشەوی نزیك بازگەی كەڵەوانان ئاشكرا دەكات و رایدەگەیەنێت: رووداوێكی هاتووچۆی ئاسایی بووە و كەسێكیش گیانی لەدەستداوە.
عەقید كارزان شێركۆ، وتەبێژی دەزگای ئاسایشی هەرێم، لە راگەیەندراوێكدا بڵاویكردەوە، لەدوای رووداوەكەی ئەمشەوی نزیك بازگەی كەڵەوانان، دەستبەجێ تیمەكانی لێكۆڵینەوەی دەزگای ئاسایشی هەرێم گەیشتنە شوێنی رووداوەكە و لێكۆڵینەوەیان ئەنجامدا و دەركەوتت، ئۆتۆمبێلێكی جۆری لاندگرۆزی دڕع بووە بەهۆی ڕووداوی هاتوچۆوە وەرگەڕاوە و گڕی گرتووە.
وتەبێژی دەزگای ئاسایشی هەرێم ئاماژەی بەوەشكردووە، لەرووداوەكە دوو سەرنشین لەئۆتۆمبێلەكەدا بوون و یەكێكیان گیانی لەدەستداوە.