راچڵەکین-
ماڵپەری BBC لە زاری بەرپرسێکی باڵای فەڵەستینەوە
بڵاویکردەوە، بزووتنەوەی حەماس سەرقاڵی ئامادەکاری کردنە بۆ ئەنجامدانی هەڵبژاردن
لەپێناو دیاریکردنی سەرکردەیەکی کاتی.
ئاماژەی
بەوەشکرد، بڕیارە دەنگدانەکە لە سەرانسەری کەرتی غەززە و کەناری رۆژئاوا و چەند
شوێنێکی دیکە لەنێو ئەندامانی بزووتنەوەی حەماس ئەنجام بدرێت.
روونیشیکردەوە،
ئەنجامی هەڵبژاردنەکە دەتوانێت ئاماژە بێت بۆ ئاراستەی داهاتووی بزووتنەوەکە، بە
تایبەتی کە ئەمریکا و نێوەندگیرانی دیکە دانوستان لەسەر حکومەتێک دەکەن بۆ دوای
جەنگ لە غەززە و گفتوگۆکان لەبارەی شێوازی ئاوەدانکردنەوە و دۆخی داهاتووی گروپە
چەکدارەکان لەو شارە دەستیان پێکردووە.