راچڵەکین-
عەباس
خدر بەڕێوەبەری نوسینگەی حەج و عومرەی سلێمانی رایگەیاند: داوا لە حاجییانی ساڵی
رابردوو دەکەین، سبەی یەکشەممە بە مەبەستی وەرگرتنی قەرەبووکەیان سەردانی
نوسینگەکەمان بکەن.
ئاماژەی
بەوەشكرد: بڕی قەرەبووەکە 80 هەزار دینارە و لە بەرامبەر ئەوە دەدرێتە حاجییانی
ساڵی رابردوو، کە لە کاتی گەڕانەوەیاندا بەهۆی شەڕی نێوان ئێران – ئیسرائیل بە
فڕۆکە گەشتەکەیان نەکرد و بە ناچاری بە پاس گەڕانەوە.
روونیشیکردەوە:
ئەو حاجییانەی سبەی سەردانی نوسینگەکەمان دەکەن پێویستە پاسپۆڕت و کارتی
نیشتمانییان پێبێت، هەر حاجییەکیش لە دەرەوەی شارە دەتوانێت لە رێگەی کەسێکی نزیکییەوە
قەرەبووەکە وەربگرێت، بەڵام ئەو کەسەش پێویستە بەڵگەنامە ئاماژەپێکراوەکانی پێبێت.