راچڵەكین -
بەڕێوەبەرایەتی كەشناسی و بومەلەرزەزانی هەرێمی كوردستان پێشبینییەكانی بۆ كەشوهەوای 48 كاتژمێری داهاتووی ناوچە جیاجیاكانی هەرێم بڵاودەكاتەوە.
ئەمڕۆ هەینی 27ی شوباتی 2026 ئاسمان نیمچە هەور بۆ هەوری تەواو دەبێت . لە سنووری پارێزگای هەولێر و كەركوك نمە باران و بارانی مامناوەند بە پچڕپچڕی دەبارێت بەڵام لە ناوچەكانی تری هەرێم ( پارێزگای دهۆك و سلێمانی و هەڵەبجە و ئیدارە سەربەخۆكانی زاخۆ و سۆران و ڕاپەڕین و گەرمیان ) ڕێژەی دابارین زیاتر دەبێت بارانی مامناوەند لە زۆربەی ئەو ناوچانە تا كاتەكانی شەو بەردەوامی دەبێت . هەروەها پێشبینی دەكرێت هەندێك كات باران بارین بە شێوەی لێزمە باران و هەورە تریشقە بێت . هەروەها لە ناوچە شاخاوییەكان بەفر بارین دەبێت .
پلەكانی گەرما، پلەكانی گەرما بە نزیكی 2 تـــــا 4 پلە نزم دەبێتەوە وە لە ناوچە شاخاوییەكان ( 5 - 7 ) پلە نزمتر دەبێت.
سبەی شەممە 28ی شوباتی 2026 ئاسمان لە نێوان نیمچە هەور و هەوری تەواو دەبێت نمە باران و بارانی مامناوەند بە پچڕپچڕی لە سنوری پارێزگای دهۆك و ئیدارەی سۆران دەبارێت هەروەها ئەگەری بارینی بەفرێكی كەم لە ناوچە شاخاویەكانی باكوور هەیە.
بەرزترین پلەكانی گەرمای پێشبینیكراو بە پلەی سیلیزی:
هەولێر 15 پلەی سیلیزی
پیرمام 8 پلەی سیلیزی
سۆران 10 پلەی سیلیزی
حاجی ئۆمەران 1 پلەی سیلیزی
سلێمانی 13 پلەی سیلیزی
چەمچەماڵ 15 پلەی سیلیزی
دهۆك 8 پلەی سیلیزی
زاخۆ 9 پلەی سیلیزی
هەڵەبجە : 15 پلەی سیلیزی
گەرمیان : 20 پلەی سیلیزی