راچڵەكین -

بەهۆی زیادبوونی بڕی هەناردەكردنی نەوتی خاوی عیراق، رێژەی داهاتەكەشی بەرزدەبێتەوە، شارەزایەكی ئابووریش ئاشكرایدەكات، كۆی داهاتی مانگی ئاب لە هەناردەكردنی نەوت دەگاتە چوار ملیار و 500 ملیۆن دۆلار.

نەبیل مەرسومی، شارەزای ئابووریی عیراق، رایگەیاند: بەپێی داتاكانی كۆمپانیای بە بازاڕكردنی نەوت (سۆمۆ)، كۆی داهاتە نەوتییە چاوەڕوانكراوەكانی مانگی ئاب، دەگاتە چوار ملیار و 500 ملیۆن دۆلار، ئەمەش بەرزترین ئاستی داهاتی عیراقە لە هەناردەكردنی نەوتی خاو لەدوای دتاخستنی گەرووی هورمز بەهۆی جەنگی ئەمریكا و ئێران.

بە وتەی ئەو ئابوریناسە، داهاتی نەوتیی مانگی ئاب، دوای لێدەكردنی كرێی كۆمپانیا مۆڵەتپێدراوە بیانییەكان، بەشی 65%ی مووچەی مانگانەی كۆی مووچەخۆرانی عیراق دەكات.

بەهۆی جەنگی ئەمریكا و ئێران و داخستنی گەرووی هورمز، كە بەشی هەرە زۆری نەوتی خاوی عیراق لەو رێڕەوی ئاوییەوە هەناردەی بازاڕەكانی جیهان دەكرێت، ئاستی هەناردەكردنی نەوتی عیراق بەشێوەیەكی بەرچاو دابەزی.