باشترین و خراپترین جۆرەکانی خۆراک بۆ زیپکە

تەندروستی

28/05/2020     ژمارەی بینراو 228

زیپکە

ڕاچڵه‌كین-

دەرکەوتنی زیبکە لە هەموو تەمەنێک دا هۆکاری زۆرە لەوانە تێک چوونی هۆرمۆنەکان، پاک ڕانەگرتنی پێست ، هەوکردن ، گیرانی کوونی پێست ، کۆبوونەوەی چەوری ، بەڵام هەندێک خواردن هەیە کە ڕەنگە ببنە هۆی زیادکردنی زیپکە یان کەم بوونەوەی، له‌م بابه‌ته‌دا دكتۆر کامەران پسپۆڕی زانستی خۆراک باشترین و خراپترین جۆره‌كانی خۆراك بۆ زیپكه‌ ڕوون ده‌كاته‌وه‌.

خراپترین جۆرەکانی خۆراک بۆ زیبکە :
1-شیرینی و کاربۆهێدارتی دەستکاری کراو : وەک ئیشی هەویر ، پاقلاوە ، برنجی سپی چونکە دەبنە هۆی زیاد ڕژاندنی ڕێژەی ئەنسولین کە یارمەتی بەرز بوونەوەی هۆرمۆنی ئەندرۆجین دەدات کە دەبێتە هۆی زیبکە و عازەبە.

2- شیر : بە تایبەت شیری تەواو چەوری ، میکانیزمەکەی نەزانراوە ، ڕەنگە بە هۆی زۆری هۆرمۆنی گەشە بێت لە ناو شیری مانگا ، هەروەها دەوڵەمەندە بە ترشە ئەمینیەکان کە دەبنە هۆی زیاتر پێک هێناننی هۆرمۆنی گەشەی لە ئەنسۆلین  ، هەروەها ساردەمەنی و پاودەری پڕۆتین .

3- فاست ڤوود : وەک هەمپەرگر و پیتزا .

4- ئەو خۆراکانەی دەوڵەمەندن بە ئۆمیگا - شەش وەک دۆشاو و زەیتی خورما ، زەیتی سۆیا ، گوڵەبەڕۆژە .

5- نەستەلە : یەکێکە لەو خواردنانەی عازبە واتە ئەکنی زیاد دەکات بەڵام تا ئێستا نازانرێت بە هۆی کاکاوی ناو نەستەلەکەیە یان شیرەکەی ناوی.

6- ئەو خواردنانەی دەبنە هۆی هه‌ستیاری : بۆ نموونە ئەگەر کەسێک هه‌ستیاری بە شیر یان هێلکە هەبێت ، دوای خواردنیان پێستەکە سوور دەبێتەوە و دەخورێت و هەودەکات بۆیە دەبنە هۆی زیبکه .

- باشترین جۆرەکانی خۆراک بۆ زیبکە و عازەبە :

1-سەوزە و میوەی ڕەنگ جیاواز بە تایبەت میوە و سەوزە خۆماڵیەکان .
2- چای سەوز .
3- زەردچەوە : بەکاربهێنرێت لە ناو خواردن ڕۆژانە .
4- ئەو خۆراکانەی دەوڵەمەندن بە ئۆمێگا سێ وەک ماسی سەلموون ، بادام ، گوێز .
5- ئەو خۆراکانەی دەوڵەمەندن بە ڤیتامین A، E ، D :وەک سەوزە و میوەی ڕەنگ پڕتەقاڵی و زەرد بۆ ڤیتامین A و بادام و بڕۆکلی و فستق و بندق بۆ ڤیتامین E.

6- ئەو خۆراکانەی دەوڵەمەندن بە زینک :وەک پاقلەمەنیەکان ، دانەوێڵەتەواوەکان ، بڕۆکلی ، سپێاخ ، فاسۆلیا .

7-ئەو خۆراکانەی دەوڵەمەندن بە ماددە دژەئۆکسانەکان وەک میوە و سەوزە گەڵاتۆخەکان ، دەنکی کەتان بە هاڕاوی لە ناو خواردن ، تۆی شیا .

8- پڕۆبایوتێکەکان :وەک ماستی بێ سەرتوێژ ، ترشیاتی زەرد .

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن