راچڵەكین-كامەران كەریم
قائیمقامییەتی قەزای سەید سادق ئاگاداری دووكاندارو هاوڵاتیان دەكاتەوە كە بۆ ماوەی 24 كاتكۆ دووكان و بازاڕەكان دادەخرێن.
قائیمقامیەتی قەزای سەیدسادق لە راگەیەندراوێكدا ئاماژەی بەوەكردووە:" بە هاوكاری سەرۆكایەتی شارەوانی سیدسادق و كۆمپانیای گارێكس و كۆمەڵێك گەنجی دڵسۆز و خۆبەخش، لە پێناو پاراستنی تەندروستی هاووڵاتیان و ڕێگری لە بڵاوبوونەوەی پەتای ڤایرۆسی كۆرۆنا هەڵمەتێكی شۆردن و دەرمان ڕێژكردن لە ناو بازاری سیدسادق ئەنجام دەدات ."
ئاماژە بەوەشكراوە:" داواكارین لە سەرجەم كاسبكاران و دوكاندارە بەرێزەكان هاوكارمان بن بە داخستنی دوكانەكانیان بۆ ماوەی (٢٤) كاتكۆ لە رێكەوتی ١-٧-٢٠٢٠كات (٩)ی سەرلە بەیانی لە بەردەم بینای قائئمقامێت بۆ ناوبازار."