راچڵەكین-
بەڕێوەبەرایەتی هاتوچۆی پارێزگای هەڵەبجە چەند رێنماییەكی نوێی لەبارەی نوێكردنەوەی مۆڵەتی شۆفێری بڵاوكردەوە
ئەمڕۆ دووشەممە، ٢٠ی ئەیلول، بەڕێوەبەرایەتی هاتوچۆی هەڵەبجە بڵاویكردەوە:" لەئێستادا رسوماتی نوێكردنەوەی مۆڵەتی شۆفێری ٤٠ هەزار دینارە و ئەگەر ساڵێك زیاتری بەسەردا تێپەڕێت، بۆ هەر ساڵێك بڕی سزاكەی ٣٠ هەزار دینارە ".
ئەوەش خراوەتەڕوو:" ئەگەر شۆفێرێك مۆڵەتەكەی بەهەر هۆكارێك تێكچوبێت، بۆ جاری یەكەم بڕی ١٠ هەزار دیناری لێ وەردەگیرێت ".
روونیشیكراوەتەوە:" لەكاتی ونبوونی مۆڵەتی شۆفێری ئەوا سزاكەی بۆ جاری یەكەم ٤٠ هەزار دینارە، بۆ جاری دووەم ١٠٠ هەزار دینار و جاری سێیەمیش ١٥٠ هەزار دینارە ".