راچڵەكین –
یانەی سیروانی نوێ بە یەكسانبوونی بەرامبەر یانەی شێروانە، توانی بۆ یەكەم جار لە مێژووی خۆیدا، ببێتە پاڵەوانی خولی نایابی كوردستان.
ئەمڕۆ 10-4-2022، لە گەڕی 28ی خولی نایابی كوردستان، یانەی سیروانی نوێ لە یارییەكدا بەرامبەر یانەی شێروانە، توانی خاڵێكی یارییەكە بەدەستبهێنێت و بە ئەنجامی گۆڵێك بۆ هەردوولا كۆتایی هات، بەمەش یانەكەی شاری سلێمانی توانی نازناوی خولی ئەمساڵی نایابی كوردستان مسۆگەر بكات، بەتایبەتی ركابەرە بەهێزەكەی (یانەی هندرێن) كە ئەمڕۆ بەئەنجامی (2-1) بەیانەی شەقڵاوە دۆڕا و جیاوازی خاڵەكانی نێوانیان زیاتر بوو.
بەدەستهێنانی نازناوی ئەمساڵی خولی نایابی كوردستان لەلایەن یانەی سیروانی نوێ، لەكاتێكدا هێشتا خولەكە بەفەرمی كۆتایی نەهاتووەو دوو گەڕی یارییەكان ماون.