راچڵەكین-
فراكسیۆنی یەكێتی نیشتمانی كوردستان لەئەنجوومەنی نوێنەرانی عیراق، سەركۆنەی بۆردومانەكانی ئێران بۆسەر بنكەو بارەگاكانی حزبەكانی رۆژهەڵاتی كوردستان لەهەرێمی كوردستان و عیراق دەكات.
فراكسیۆنی یەكێتی لەراگەیەندراوێكدا ئاماژەی بەوەكردووە:" بەنیگەرانیەكی زۆرەوە، ئیدانەی بۆردومانەكانی ئەمڕۆی كۆماری ئیسلامی ئێران دەكەین بۆ سەر چەند ناوچەكانی عێراق و هەرێمی كوردستان دەكەین، كە بەهۆیەوە كوژراوو بریندار هەیە و ترس و دڵەراوكێیەكی زۆری بڵاوكردۆتەوەو ژمارەیەك خێزانیش ماڵ و حاڵیان بەجێهێشتووە. "
ئەوەش هاتووە:"ئەم پەلامارانە پێشهاتێكی مەترسیدار دەزانین بۆ سەر ئارامی و ئاسایش و سەروەری خاكی عێراق و هەرێمی كوردستان، هەروەك جەختدەكەینەوە، كە نابێ خاكی عێراق و هەرێمی كوردستان بەكاربهێنرێ بۆ دروستكردنی نائارامی لەسەر وڵاتانی دراوسێی. "
"داوا لە حكومەتی فیدرالی عیراق دەكەین ڕێوشوێنی پێویست بگرێتەبەر بۆ كۆتایی هێنان بەم پەلامارانە كە وڵاتانی دراوسێی ئەیكەنەسەر خاكی عێراق. "