ڕاچڵەکین سپۆرت -

 

جۆزێ لویس مارتینێز ئالمێدا، سەرۆکی شارەوانی مەدرید داوای لە ڤینیسیۆس جونیۆری ئەستێرەی یانەی ڕیال مەدرید کرد، قسەکانی سەبارەت بە ئەگەری ڕەتکردنەوەی  مۆندیالی 2030 لە ئیسپانیا پاشەکشە بکات.

ئەستێرە بەڕازیلییەکە لە چاوپێکەوتنێکدا لەگەڵ کەناڵی سی ئێن ئێن ڕایگەیاند، پێش ئەوەی پاڵەوانێتییەکە لەوێ بەڕێوەبچێت، پێویستی بە چارەسەرکردنی کێشەکانی وڵاتەکەی دەبێت بە ڕەگەزپەرستی.

ئەستێرەی ڕیال مەدرید ئاماژەی بەوەدا که گرنگه یاریزانەکان هەست به ئاسوودەیی بکەن، هەروەها دەبێت ئیسپانیا لە مامەڵەکردنی لەگەڵ ڕەگەزپەرستی باشتر بێت، ئەگەرنا پێویسته جامی جیهانی 2030 له شوێنێکی تر جگه له ئیسپانیا بەڕێوەبچێت.

سەرۆکی شارەوانی مەدرید لە وەڵامدا وتی: ڤینیسیۆس بە قسەکانی هەڵەی کرد، هەموومان ئاگادارین کە بارودۆخی ڕەگەزپەرستی لە کۆمەڵگادا هەیە، ئێمەش کارێکی زۆر دەکەین بۆ نەهێشتنی، بەڵام ئەوە زۆر نادادپەروەرییە بەرامبەر بە ئیسپانیا و بەرامبەر مەدرید بۆ ئێمە بۆ ئەوەی بڵێین ئێمە کۆمەڵگایەکی ڕەگەزپەرستین”.

ئالمێدا وتیشی: ڤینیسیۆس دەزانێت ئەگەر ڕووداوێکی ڕەگەزپەرستانە ڕووبدات، هەمووان لە تەنیشتت دەوەستن، بۆیە داوای لێدەکەم ئەوە ڕاست بکاتەوە و داوای لێبوردن بکات، بەو پێیەی ئێمە ڕەگەزپەرست نین.

لە کۆتاییدا وتی: تۆ لە یەکێک لە شارە کراوەترین و نایابترین و هەمەچەشنترین شارەکانی جیهان دەژین، هەندێک جار کاری رەگەزپەرستی ڕوودەدات بەڵام ئەوە ناگەێنێت کە بلێن نابێت مۆندیالی 2030 لە ئیسپانیا بەڕێوەبچێت.