توێژینه‌وه‌یه‌ك ماوه‌ی‌ مانه‌وه‌ی‌ ڤایرۆسی كۆرۆنای له‌سه‌ر پێست ئاشكرا كرد

تەندروستی

19/10/2020     ژمارەی بینراو 134

توێژینه‌وه‌یه‌ك ماوه‌ی‌ مانه‌وه‌ی‌ ڤایرۆسی كۆرۆنای له‌سه‌ر پێست ئاشكرا كرد


ڕاچڵه‌كین-

ئه‌نجامه‌كانی نوێترین توێژینه‌وه‌ی‌ ژاپۆنی ئاشكرای كردوه‌ كه‌ ڤایرۆسی كۆرۆنا بۆ ماوه‌ی‌ 9 كاتژمێر له‌سه‌ر پێستی مرۆڤ به‌ چالاكی ده‌مێنێته‌وه‌ و ئه‌م كاته‌ش زۆر زیاتره‌ به‌ به‌راورد به‌ ماوه‌ی‌ مانه‌وه‌ی‌ ڤایرۆسی ئه‌نفلۆنزا كه‌ ته‌نها 2 كاتژمێره‌.

له‌ توێژینه‌وه‌كه‌دا هاتوه‌ توانای زۆر مانه‌وه‌ی‌ ڤایرۆسی كۆرۆنا واده‌كات چانسی توشبوون پێی زیاتر بێت و بۆ ئه‌وه‌ش شۆردنی ده‌سته‌كان و به‌كارهێنانی مادده‌ی‌ خاوێنكه‌ره‌وه‌ی‌ ده‌ست له‌ ماوه‌ی‌ 15 چركه‌دا ڤایرۆسه‌كه‌ له‌ناو ده‌بات.

ئه‌م توێژینه‌وه‌یه‌ له‌سه‌ر پێستی چه‌ندین كه‌س دوای مردنیان ئه‌نجامدراوه‌ و ڕێكخراوی ته‌ندروستی جیهانیش به‌رده‌وام ڕێنموی ئه‌وه‌ بڵاوده‌كاته‌وه‌ كه‌ پێویسته‌ هاوڵاتیان زوو زوو ده‌ستیان خاوێن بكه‌نه‌وه‌ بۆ كه‌مكردنه‌وه‌ی‌ مه‌ترسی توشبونیان.

تائێستا ژماره‌ی‌ توشبووان به‌ كۆرۆنا گه‌یشتۆته‌ 40 ملیۆن كه‌س و زیاتر له‌ 1.1 ملیۆن كه‌س به‌هۆی ئه‌م ڤایرۆسه‌وه‌ گیانیان له‌ده‌ستداوه‌.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن