راچڵەكین-

مامۆستایەكی ئایینی لەسەر نمایشكردنی جلوبەرگی ئەو ژنانەی كە توندو تیژیان بەرامبەر كراوە لەشەقامەكانی سلێمانی دەڵێت:" شاری سلێمانی ئەوەندە بێغیرەت وبێ ئابڕوونییە."

دوێنێ، شێوەكار تارا عەبدوڵا، پرۆژەیەكی بەناوی (مێینە) لەشاری راگەیاند كە تیایدا بەدرێژایی چوار هەزار و ٨٠٠ مەتر لە باخچەی نالی-یەوە تاوەكو دادگای سلێمانی جلوبەرگی ئەو ژنانە هەڵواسرا"كە توندوتیژیان بەرامبەر كراوە لە كوردستاندا."

 هاوكات هەژان هێرش- وتەبێژی رێكخراوی ( سی دی ئۆ) رایگەیاندووە:" ماوەی سێ مانگە كار لەسەر ئەم پرۆژەیە دەكەین، زیاتر 9 هەزار ماڵ گەڕاوین، هەر خاتوونێك كە تووندوتیژی بەرامبەر كرابێت پارچەیەك لە قوماشی لێ وەرگیراوە بۆ ئەوەی لەم پرۆژەیەدا بەكاربێت".

لەلایەن خۆشییەوە، مەلا مەزهەر خوراسانی، لەهەژماری تایبەتی خۆی بڵاویكردووەتەوە:" ئەمانە تەنها ۹ نۆن ..درۆیە ۹۰۰۰ نۆ هەزارنین."

ئەو مامۆستا ئایینیە دەڵێت:" دەڵێن لە 9000ماڵ لەشاری سلێمانی دەرپێی ژنمان كۆكردوەتەوە ، درۆدەكەن تەنها 9ڕێكخراوی بێ دەرپێن سێ سفریان بۆزیاد كردوە كەچونەتە هەرشوێنێك خۆیان بەجێیان هێشتووە..وکان فی المدينة تسعة رهط یفسدون فی الارض ولايصلحون"