كیسەڵێك 9 كەسی كوشت و نزیكەی 80ی تری رەوانەی نەخۆشخانەكرد

هەمەڕەنگ

10/03/2024     ژمارەی بینراو 594


راچڵەكین-

لەدوورگەیەكی ئەرخەبیل زنجبار لەتەنزانیا، بەهۆی خواردنی گۆشتی كیسەڵ لەلایەن چەند كەسێكەوە، لانی كەم 8 منداڵ و ژنێك گیانیان لەدەستدا.

سەرچاوەكانی هەواڵ بڵاویانكردووەتەوە، بەهۆی خواردنی گۆشتی كیسەڵ لەدوورگەی بیمبا-ی ئەرخەبیل هەشت منداڵ و ژنێك گیانیان لەدەستداوە و 78ی تر رەوانەی نەخۆشخانە كراون.

حاج بەكاری، بەرپرسی تەندروستی ناوچەی مەكوانی رایگەیاندووە، دوای ئەنجامدانی پشكنینی پێویست دەركەوتووە، سەرجەم ئەو كەسانەی رەوانەی نەخۆشخانە كراون، گۆشتی كیسەڵ-یان خواردووە.

خواردنی گۆشتی كیسەڵ بەیەكێك لەخۆراكە بەناوبانگەكانی گەلی زنجبار ئەژمار دەكرێت، سەرەڕای ئەوەی هەندێك جار بەهۆی ژەهراوی بوونەوە بە گۆشتەكەی، رووداوی گیانلەدەستدانی لێدەكەوێتەوە.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن