مارادۆنا نەشتەرگەری مێشكی بۆ ئەنجامدرا

وەرزش

پێش 4 هەفتە     ژمارەی بینراو 77

راچڵەكین-

ئەفسانەی تۆپی پێی ئەرجەنتینی، دیێگۆ مارادۆنا نەشتەرگەری مێشكی بۆ ئەنجامدرا و بەسەركەوتوویی نەشتەرگەرییەكەی كۆتایی هات.

سێباستیان سانچی، بەرپرسی راگەیاندنی مارادۆنا لە هەژماری تایبەتی خۆی راگەیەندراوێكی بڵاوكردوەتەوە و باسی لەوە كردووە كە نەشتەرگەرییەكەی مارادۆنا بەسەركەوتوویی كۆتایی هاتووە و لەئێستادا رەوشی تەندروستیی ناوبراو جێگیرە.

ئەوەش خراوەتەڕوو كە مارادۆنا چەند رۆژێك لە نەخۆشخانە دەمێنێتەوە و تەنها رێگە بە خێزانەكەی دەدرێت سەردانی بكەن.

ئێوارەی دوێنێ، مارادۆنا بە ئەمبوڵانس گەیەندرایە نەخۆشخانە و پزیشكەكان رایانگەیاند كە نەشتەرگەری مێشكی بۆ ئەنجام دەدەن.

دیێگۆ مارادۆنا یەكێكە لە ئەفسانەكانی مێژووی تۆپی پێ و ساڵی ١٩٨٦ جامی جیهانی بۆ هەڵبژاردەی ئەرجەنتین بەرزكردەوە.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن