ڤیدیۆ: كۆمه‌ڵێك دز پاره‌یان به‌سه‌ر خه‌ڵكدا باراند

هەمەڕەنگ

03/12/2020     ژمارەی بینراو 189

كۆمه‌ڵێك دز پاره‌یان به‌سه‌ر خه‌ڵكدا باراند

ڕاچڵه‌كین-

كۆمه‌ڵێك دز دوای بڕینی بانكێك له‌باشووری به‌رازیل له‌ڕێی به‌كارهێنانی چه‌ك و ته‌قه‌مه‌نی قورس بڕێك له‌و  پاره‌یه‌ی‌ به‌ده‌ستیان هێنا به‌ شه‌قامه‌كاندا به‌سه‌ر هاوڵاتیان دابه‌شیان كرد بۆ ئه‌وه‌ی‌ كه‌س نه‌توانێت دوایان بكه‌وێت و ده‌ستگیر نه‌كرێن.

ئه‌م ڤیدیۆیه‌ كه‌ پێگه‌ی‌" ده‌یلی مه‌یل" ی به‌ریتانی بڵاویكردۆته‌وه‌ تیایدا ده‌رده‌كه‌وێت دزه‌كان به‌و شه‌قامه‌ی‌ پیایدا تێپه‌ڕبوون بۆ ئه‌وه‌ی‌ هاوڵاتیان له‌سه‌ر شه‌قامه‌كه‌ به‌ كۆكردنه‌وه‌ی‌ پاره‌وه‌ سه‌رقاڵ بكه‌ن و قه‌ره‌باڵغی له‌شه‌قامه‌كه‌دا دروست بكه‌ن و كه‌س به‌دوایان نه‌كه‌وێت و ده‌ستگیر نه‌كرێن بڕێك پاره‌ هه‌ڵده‌ده‌ن به‌سه‌ر خه‌ڵكدا.

ئه‌م ڕووداوه‌ له‌ شاری "كریسیۆما" ڕویداوه‌ كه‌ ژماره‌ی‌ دانیشتوانی 217 هه‌زار كه‌سن و شاره‌كه‌ 200 كیلۆمه‌تر له‌ باشووری فلۆریانوپۆلیس دووره‌، هیچ دیار نییه‌ بڕی ئه‌و پاره‌یه‌ی‌ دزراوه‌ چه‌نده‌ به‌ڵام دزه‌كان كه‌ ژماره‌یان 30 پیاو بووه‌ كاره‌كه‌ی‌ خۆیان كردوه‌ بێ ئه‌وه‌ی‌ یه‌كێكیان ده‌ستگیر بكرێت.

 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن