راچڵەگین –
مستەفا كازمی ناوەڕۆكی سەردانەكەی بۆ ئیمارات و كۆبوونەوەی لەگەڵ حاكمی دوبەی ئاشكرا دەكات، كە بەشێكی پەیوەندیدار بووە بە پتەوكردنی پەیوەندییەكانی نێوان هەردوو وڵات.
ئەمڕۆ 4-4-2021، مستەفا كازمی سەرۆك وەزیرانی عیراق، بە سەردانێكی فەرمی گەیشتە ئیمارات و لەگەڵ محەمەد بن راشد ئال مەكتووم سەرۆك وەزیرانی ئیمارات و حاكمی دوبەی كۆبووەوە.
نووسینگەی راگەیاندنی سەرۆك وەزیرانی عێراق بڵاویكردەوە، لە میانی دیدارەكەدا، كازمی و ئال مەكتووم تاوتوێی پەیوەندییە دووقۆڵییەكانی نێوان هەردوو وڵات و بەهێزكردنی هەماهەنگی هاوبەش و هەنگاوەكانی پتەوتركردنی هاریكارییەكان لە سەرجەم بوارەكاندا، كردووە.
مستەفا كازمی بە ئامانجی پتەوتركردنی پەیوەندییە دووقۆڵییەكانی نێوان بەغدا و ئەبوزەبی و تاوتوێكردنی ژمارەیەك دۆسیەی گرنگ، سەردانی ئیماراتی كردووە.