هاوڵاتیه‌ك له‌به‌ر سۆسێك هه‌ڕه‌شه‌ی‌ ته‌قاندنه‌وه‌ی‌ چێشتخانه‌یه‌ك ده‌كات

هەمەڕەنگ

04/07/2021     ژمارەی بینراو 264

هاوڵاتیه‌ك له‌به‌ر سۆسێك هه‌ڕه‌شه‌ی‌ ته‌قاندنه‌وه‌ی‌ چێشتخانه‌یه‌ك ده‌كات


ڕاچڵه‌كین- چراخان ئاسۆ

هاوڵاتیه‌كی ئه‌مه‌ریكی هه‌ڕه‌شه‌ی‌ ته‌قاندنه‌وه‌ی‌ یه‌كێك له‌ چێشتخانه‌كانی ویلایه‌تی ئیوا ی ئه‌مه‌ریكی كردوه‌ دوای ئه‌وه‌ی‌ تێبینی ئه‌وه‌یكردوه‌ ئه‌و خواردنه‌ی‌ له‌چێشتخانه‌كه‌وه‌ به‌ ده‌ستی گه‌یشتووه‌ سۆسی تیادا نه‌بووه‌.

پۆلیسی ئه‌مه‌ریكا ئاشكرای كردوه‌ پیاوێكی ئه‌مه‌ریكی به‌ناوی" ڕۆبه‌رت گۆللۆیتسر" چه‌ندین نامه‌ی‌ هه‌ڕه‌شه‌ی به‌ مۆبایله‌كه‌ی‌ ناردوه‌ بۆ لقێكی چێشتخانه‌یه‌كی ناودار له‌ ویلایه‌تی ئیوا دوای ئه‌وه‌ی‌ ئه‌و خواردنه‌ی‌ به‌ دیلیڤه‌ری به‌ ده‌ستی گه‌یشتوه‌ ئه‌و سۆسه‌ی‌ تیادا نه‌بووه‌ كه‌ داوایكردوه‌.

ئه‌م پیاوه‌ ته‌مه‌نی 42 ساڵه‌ و هه‌ڕه‌شه‌ی‌ له‌ كارمه‌ندانی چێشتخانه‌كه‌ كردوه‌ كه‌ چێشتخانه‌كه‌ به‌ بۆمب ده‌ته‌قێنێته‌وه‌ و له‌سه‌ر ئه‌م نامه‌ی هه‌ڕه‌شانه‌ ڕۆبه‌رت ده‌ستگیر كراوه‌ و شه‌و ڕۆژێك له‌ زیندان بووه‌ و دواتر به‌ كه‌فاله‌ت ئازاد كراوه‌.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن