هۆكار و نیشانه‌ و چاره‌سه‌ری کیسی چەوری سەر چاو

ڕاچڵه‌كین- 

کیسی چەوری سەر چاو چییە و چۆن چارەسەر دەکرێت؟ کیسی چەوری سەر چاو هەوکردنی ڕیزی برژانگەکانە دروست دەبێت بەهۆی بەکتریای (Staphylococcus) دكتۆر دێرێ پزیشكی نه‌خۆشییه‌كانی چاو له‌م بابه‌ته‌دا هۆكار و نیشانه‌ و چۆنیه‌تی چاره‌سه‌ری ئه‌م گرفته‌ی‌ چاو ده‌خاته‌ ڕوو.

نیشانەکانی:
لەسەر لێوای برژانگ هەڵئاوسان ڕوو دەدات و ئازاری هەیە, زۆربەی کات تەنها لە یەک چاودا دروست ئەبێت وە هیچ کێشەیەک بۆ بینین دروست ناکات.

دیاریکردن:
هیچ پشکنینێکی پێویست نییە ئەگەر نیشانەکانی سەرەوە بەدی کرا.

خۆپاراستن:
1- لەکاتی دەسکاری کردنی هەوکردنەکەدا دەستەکانت بشۆ.
2- لۆکە یان ئیسفنجی خۆت لەگەڵ کەس بەکار مەهێنە و وەکو خۆپاراستن لۆکە و ئیسفنجی کەسی تووشبوو بەکار مەهێنە.

چارەسەرکردن:
1- پارچە پەڕۆیەکی پاک بخەرە ناو ئاوی گەرم و بە هێواشی بیخەرە سەر برینەکە بۆ ماوەی ٥ـ۱٠ خولەک( پەستان مەخەرە سەری و بە توندی مەیسڕە). 
2- یەکێکی تر لە چارەسەرەکان لەلای پزیشکە کە قه‌تره‌ و مه‌رهه‌مت بۆ دیاری ده‌كات یان شوێنی هەوکردنەکە پاک دەکاتەوە.

بە هیچ شێوەیەک قەترە و کرێم لەخۆتەوە بۆ چاو بەکارمەهێنە بێ پرسی پزیشك.