راچڵەكین –
ئەمڕۆ لەسەر داوا و راسپاردەی شێخ هەركی جەوهەر ئاغا، نوێنەری بافڵ تاڵەبانی هاوسەرۆكی یەكێتی لە موسڵ، بنەماڵەی شێخ فەیسەڵ ئاغای گەرگەری، سەرۆكی عەشیرەتی گەرگەری، هاتنەناو ریزەكانی یەكێتی.
لە دیدارێكدا، شێخ هەركی وێڕای دەربڕینی خۆشحاڵی و گەیاندنی سڵاوی بافڵ تاڵەبانی هاوسەرۆكی یەكێتی و قوباد تاڵەبانی سەرۆكی لیستی هاوپەیمانی كوردستان، رایگەیاند: ئیتر دیوەخانی ئاغای گەرگەرییەكان دیوەخانی سەرۆك مام جەلالە لە زومارو ناوچەكە.
لای خۆیەوە شێخ فواز شێخ فەیسەڵ ئاغا، كوڕی سەرۆكی عەشیرەتی گەرگەری رایگەیاند، خۆشحاڵ و شەرەفمەندن لەناو ریزەكانی یەكێتی كاربكەن و سوپاسی شێخ هەركی جەوهەر ئاغای كرد بۆ ئەو سەردان و متمانەیە.
وتیشی: وەكو گەرگەرییەكان بە هەموو شێوەیەك پشتگیری كاندیدی لیستی هاوپەیمانی كوردستان (عزیزە عبدالعزیز كامل) كاندیدی ژمارە (31) لە بازنەی (4)ی نەینەوا دەكەن.