راچڵەكین-
بزوتنەوەی ئیسلامی كوردستان، رایدەگەیەنێت، پڕوپاگەندەی ژەهراوی و دوژمناكارانەی ناحەزان كار ناكات لە كادیر و ئەندامانیان و "بێ وەڵامیش نابین بۆ پیلانی پیلانگێڕان"
عەبدوڵا وەرتی، وتەبێژی بزوتنەوەی ئیسلامی كوردستان، لەروونكردنەوەیەكدا ئاماژەی بەوەداوە:" پڕوپاگەندەی ژەهراوی و دوژمناكارانەی ناحەزان كار ناكات لە كادیرو ئەندامانی بزوتنەوەی ئیسلامی كوردستان، سەركردایەتیەكەشی بێدەنگ نابێت لە ئاست چاواشەكاری و ناهەقیەكان".
ئاماژەبەوەشكراوە:" بایكۆت جۆرێكە لەخەباتی سیاسی و مافی سیاسی و یاساییە بۆ هەموو كەسێكیش، بۆ بۆ ئێمە خیانەت و خزمەتكردنی دەسەڵاتبێت لە كاتێكدا سەدا شەستی خەڵكی كوردستان و عێراق بایكۆتی پڕۆسەكەیانكرد".
د. عەبدوڵا وەرتی روونیشیكردووەتەوە:" سوپاس بۆ خوا گەلی كوردستان هۆشیارە و ئەندام و كادیرانی بزووتنەوەش لە ئاستی دۆخەكەدان و باش تێگەیشتوون لە پڕوپاگەندەی بێ بنەما و بێدەنگ و بێ وەڵامیش نابین بۆ پیلانی پیلانگێڕان".