ئه‌و هونه‌رمه‌نده‌ی‌ به‌ هه‌ڵه‌ هاوكارێكی خۆی كوشت ڕونكردنه‌وه‌یدا

هەمەڕەنگ

22/10/2021     ژمارەی بینراو 224

ئه‌و هونه‌رمه‌نده‌ی‌ به‌ هه‌ڵه‌ هاوكارێكی خۆی كوشت ڕونكردنه‌وه‌یدا

ڕاچڵه‌كین- چراخان 

هونه‌رمه‌ندی ئه‌مه‌ریكی " ئالیك بۆلدوین" یه‌كه‌م كۆمێنت و قسه‌ی‌ خۆی له‌باره‌ی‌ ئه‌و ڕووداوه‌ بڵاوكرده‌وه‌ كه‌ به‌هۆی ته‌قه‌كردنی هه‌ڵه‌ی ئه‌وه‌وه‌ به‌ڕێوبه‌ری كاری وێنه‌گرتنی ئه‌و فیلمه‌ی‌ ڕۆڵی تیادا ده‌بینێت بریندار بووه‌ و دواتر گیانی له‌ده‌ستداوه‌.

" ئاڵیک باڵدوین"  دەرهێنەری وێنەگرتنی فیلمه‌كه‌ی‌ "هالینا هوتچێنز' ته‌مه‌نی 42 ساڵی كوشتوه‌ و جۆل سوزا كه‌ ده‌رهێنه‌ری فیلمه‌كه‌ی بریندار كردووه‌ و ده‌وترێت "ئه‌و ده‌مانچه‌یه‌ی‌ كه‌ ده‌بوو له‌ فیلمه‌كه‌دا به‌كاریبهێنێت به‌ هه‌ڵه‌ فیشه‌كی تێكراوه‌."

بابه‌تی كوشتنی به‌ڕێوبه‌ری وێنه‌گرتنی فیلمی" راست"به‌ده‌ستی هونه‌رمه‌ندی ناودار " ئالیك بۆلدوین"  له‌ ماوه‌ی‌ چه‌ند كاتژمێری ڕابردوودا بووه‌ باسی گه‌رمی پێگه‌ جیهانیه‌كان و چه‌ندین پرسیار له‌سه‌ر ئه‌م ڕووداوه‌ كراوه‌ و ڕای گشتی هێناوه‌ته‌ قسه‌.

له‌ڕاگه‌یه‌ندراوێكدا كه‌ له‌ هه‌ژماره‌ تایبه‌ته‌كه‌ی‌ له‌ تویته‌ر بڵاویكردۆته‌وه‌ بۆلدوین نوسیویه‌تی" هیچ وشه‌یه‌ك نییه‌ 
وه‌سفی ئه‌و شۆك و خه‌مباریه‌ بكات كه‌ تیایدام و هالیت هاوسه‌ر و دایك و هاوڕێیه‌كی باش بوو بۆ ئێمه‌ و خۆشمان ده‌ویست و من به‌ ته‌واوه‌تی هاوكاری لێكۆڵینه‌وه‌ی‌ پۆلیس ده‌بم و له‌گه‌ڵ هاوسه‌ر و خێزانه‌كه‌ی‌ له‌ په‌یوه‌ندیدام 
و دڵم شكاوه‌ بۆ كوڕه‌كه‌ی‌ و هاوسه‌ره‌كه‌ی‌ و ئه‌وه‌ی‌ ئه‌و خانمه‌ بناسێت خۆشی ویستوه‌"

هێشتا و تا ئه‌م ساته‌ پۆلیسی ئه‌مه‌ریكا لێكۆڵینه‌وه‌ له‌م ڕووداوه‌ ده‌كات كه‌ جیهانی هۆلیودی هه‌ژاندوه‌.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن