"ئەمریكا لە كاتی بەرەنگاربوونەوەی داعش لە سووریا گروپێكی مەدەنی 70 كەسی كردووەتە ئامانج"

جیهان

پێش 2 هەفتە     ژمارەی بینراو 29

راچڵەکین-

رۆژنامەیەكی ئەمریكی ئاشكرایكردووە، لە كاتی بەرەنگاربوونەوەی رێكخراوی تیرۆریستیی داعش لە سووریا لە 2019، ئەمریكا هێرشی ئاسمانیی كردووەتە سەر گرووپێكی مەدەنی كە نزیكەی 70 كەس بوون و ژن و منداڵیان لەنێودا بووە.

رۆژنامەی نیویۆرك تایمزی ئەمریكی بڵاویكردەوە، هێزە ئاسمانییەكانی ئەمریكا لە 18ی ئاداری 2019دا، گروپێكی مەدەنی لە ناوچەی باغۆزی سووریا كردووەتە ئامانج كە ژن و منداڵیان لەنێودا بوون.

لە هەواڵەكەدا تیشك خراوەتە سەر ئەوەی كە شوێنی گرووپە مەدەنییەكە سەرەتا لەلایەن فڕۆكە بێفڕۆكەوانەكانی ئەمریكاوە دەستنیشان كراوە و دواتر لە سێ هێرشی فڕۆكە جەنگییەكانی جۆری F-15E زیاتر لە دوو تۆن بۆمبیان بەسەردا بەردراوەتەوە و ئەمەیش كوژرانی نزیكەی 70 كەسی لێ كەوتووەتەوە.

رۆژنامەكە جەختی لەوە كردووەتەوە كە وردەكارییەكانی ئەم رووداوە یەكەم جارە دەربكەون و نووسیوویەتی "هێرشی سەر باغۆز یەكێك بوو لەو رووداوانەی لە كاتی جەنگی دژبە داعش زۆرترین مەدەنی تیایدا بووە قوربانی، بەڵام سوپای ئەمریكا ئەمەی هیچ كاتێك بۆ كۆمەڵگای نێودەوڵەتی روون نەكردەوە".


داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن