راچڵەكین-
ژنێكی كۆچبەری بەرەگەز ئەفغانی بەهۆی سەرما لەسەر سنووری شاری وانی باكووری كوردستان رەقبوەوە.
فیدراسیۆنی پەنابەران بڵاویكردووەتەوە: "لە سنووری نێوان ئێران و توركیا، لە ناوچە سنوورییەكانی شاری وان-ی باكووری كوردستان ژنێكی كۆچبەری ئەفغانی گیانی لەدەستداوە".
وەك فدراسیۆنی پەنابەران ئاماژەی پێكردووە، رۆژی 1/1/2022، ژنێكی ئەفغانی لەگەڵ دوو منداڵەكەی، كە بەهۆی دەسەڵاتی تاڵیبان وڵاتەكەیان جێهێشتووە، لە ئێرانەوە بەرەو وڵاتی توركیا رۆیشتوون، لە ناوچە سنوورییەكانی شاری وان، دایكەكە لە سەرمان رەقبووەتەوە و گیانی لەدەستداوە.
"بە وتەی گوندنشینانی نزیك لە شوێنی رووداوەكە، ژنەكە پێش گیان لەدەستدانی جل و بەرگی زیاتری لەبەر منداڵەكانی كردووە و گۆرەوییەكانیشی كردووەتە دەستی منداڵەكان، بۆ ئەوەی لە سەرما بیان پارێزێت و گیان لەدەستنەدەن."