رەشەبا ئەم شوێنانە بێ کارەبا دەکات

کوردستان

2 رۆژ پێش ئێستا     ژمارەی بینراو 196


راچڵەکین-

کارەبای سلێمانی رایگەیاند، بەهۆی هەورەبروسکە و رەشەبای بەهێز هێڵی گواستنەوەی وزەی  کارەبای ١٣٢ کەی ڤی ئەزمڕ - دەربەندیخان زیانی پێدەگات و دەکەوێت.

ئەندازیار سامان سابیر ئیسماعیل لێپرسرای هێڵەکانی گواستنەوەی وزەی کارەبای سلێمانی رایگەند: لە کاتژمێر ٢:٠٠ی بەرەبەیانی ئەمڕۆ هەینی هێڵی گواستنەوەی ١٣٢ کەیڤی ئەزمڕ -دەربەندیخان بەهۆی شۆرت کەوتوە و تیمەکانیشیان بەردەوامن لەگەڕان و پشکنین بۆ دۆزینەوەی شۆرتەکە و چارەسەرکردنی.

وتیشی:" بەهۆی کەوتنی هێڵەکە هەردوو وێستگەی مۆبایلی باریکە و کازیوە بێ کارەبا بوون، بۆیە تا دۆزینەوەی شۆرتەکە و چارەسەرکردنی کێشەکە ئەو فیدەرانەی لەو دوو وێستگەوە دەردەچن بێ کارەبا دەبن".
 
ئەو شوێنانەی لەو دوو وێستگەیەوە کارەبا وەردەگرن لە سنوری عەربە ت بریتین لە 
‎گوندی بێستان سور
‎کۆمەڵگەی باریکە
‎گوندی باریکە 
‎بەشێک لە گەرەکی شەھیدان(مجمعی عەربەت)
‎ھەرسێ کەمپی ئاوارەکان 
‎گوندەکانی خرابە و زێرینجۆ و کاژاو و چەناخچیان و پوشێن 
‎لەسەر وێستگەی باریکەن

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن