راچڵەکین-

--- دابەزینی کێش و بەکتریای گەددە:
--- ژمارەیەکی بەرچاو  لەو کەسانەی که کێشەی لاوازی و کەمی کێشیان هەیە بەردەوام ئەو پرسیارە ئەکەن کە ئایا هۆکاری لاوازییەکان  ناگەڕێتەوە بۆ تووشبوونیان بە بە بەکتریای گەدده جۆری  (H.Plylori ).
 
--- تووشبوون بەم بەکتریایە دەبێتە هۆی دابەزینی کێش و لاوازی بە چەند  مێکانزێمیکی جیاوازەوە:
 
١ --- کەمی ئێشتها یا نەمانی  ئیشتها. 

٢ ---- بوونی ئازاری گەددە  و ناوسک و دڵەکزیی بە تایبەت دوای خواردن. 

٣ --- ڕشانەوە و  دڵ تێک هەڵهاتن.  

٤ ---- خراپتر بوونی  نیشانەکانی تووشبوون دوای خواردنی چەور و سوورکراوە، ئەمەش وا لەو کەسە دەکات  لەو جۆرە خواردنانە دوور بکەوێتەوە تا نیشانەکانی نەخۆشیەکەی زیاتر نەوروژێت. 

٥  --- غازاتی زۆر و پێجی ناوسک و قڕقینەی بەردەوام دوای خواردن. 

٦ --- لە کاتی ڕوودانی ماکە درێژخایەنەکانی بەکتریای گەددە، وەک  قوڕحەی مەعیدە و سورێنچک، هەوکردنی سەختی ڕووپۆشی ناوەوەی گەددە و ڕێخوڵەی دوانزە گرێ و  سورێنچک.
 
٧ --- گەڕانەوەی تڕشەڵۆکی گەددە بۆ ناو سورێنجک. 

٨ --- وروژانی ئازاری گەددە و ناوسک و نیشانەکانی تری بە کۆمەڵێک خۆراکی تر وەک خواردنی ترش و توند، مزرەمەنیەکان، پاقلەمەنیەکان .  هتد. 

--- بەڵام پێویستە ئاماژە بەوە بکرێت کە دەست نیشان کردن و چارەسەری بەکتریای ( H. Pylori ) لەئێستادا  لە ڕێگای دەرمان و پارێزی خۆراک بەردەستە و ڕێژەی چاک بوونەوە لێی زۆر بەرز و سەرکەوتووە بە مەرجێک نەخۆشەکە پابەند بێت بە تەواو کردنی کۆرسی دەرمانەکانی و ڕێکارەکانی خۆپاراستن لە دووبارە تووشبوونەوە بە بەکتریاکە.

دکتۆر کامه‌ران رەسوڵ ژاژڵه‌یی 
پسپۆڕی زانستی خۆراک