تەندروستی عیراق: ٨ حاڵەتی گیانلەدەستدان بەهۆی تای خوێنبەربوونەوە تۆمارکراوە

عێراق

پێش 3 هەفتە     ژمارەی بینراو 90

راچڵەکین-

وەزارەتی تەندروستیی و ژینگەی عیراق، ٨ حاڵەتی گیانلەدەستدان و ٤٠ تووشبوووی  بە تای خوێنبەربوون راگەیاند.

وەزارەتی تەندروستیی و ژینگەی عیراق، رایگەیاندووە "پەتای تای خوێنبەربوونی ڤایرۆسیی لە عیراقدا نوێ نییە و تا ئێستاش ٤٠ حاڵەتی تووشبوون و هەشت گیانلەدەستدان بە پەتاکە تۆمارکراوە کە نیوە زیاتریان لە پارێزگای زیقار بووە".

وتەبێژی وەزارەتی تەندروستیی و ژینگەی عیراق داوای لە دەزگاکانی راگەیاندن و هاووڵاتییان کرد پشتیوانی لە کارەکانی وەزارەتەکەی بکەن لە هەڵمەتی هۆشیاریی تەندروستیی بۆ چۆنییەتی خۆپاراستن لە نەخۆشییەکە.

تای خوێنبەربوون نەخۆشییەکی ڤایرۆسییە، لەرێگای ئاژەڵەوە دەگوازێتەوە بۆ مرۆڤ و بەهۆی گەنەیەکەوە کە ڤایرۆسەکە هەڵدەگرێت، دواتر دەچێتە سەر لەشی ئاژەڵەکە و تووشی نەخۆشیەکەی دەکات، بەڵام نیشانەکانی دیار نییە لەسەر ئاژەڵەکە.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن