راچڵەكین –

سەرەڕای ئەوەی سبەی شەممە پشووی فەرمییە، بەڵام بانكێكی كوردستان دەوامی ئاسایی دەكات بەمەبەستی دابەشكردنی مووچەی مانگی 4ی خانەشینانی سەربازی.

بانكی چەرموو لە قەزای چەمچەماڵ، لە ئاگادارییەكدا كە ئەمڕۆ هەینی بڵاویكردووەتەوە، خانەنشینانی ( پۆلیس و سەرباز)ی ئاگاداركردووەتەوە كە ڕۆژی شەممە 21-5-2022 سەرەڕای پشووی فەرمی، دەوام دەكەن و مووچەكانیان دابەش دەكرێت.

پێشتریش، بانكی چەمچەماڵ لە ئاگادارییەكدا داوای لەو خانەنشینانەی مەدەنی كردبووەوە، كە مووچەكانیان لەو بانكە وەردەگرن، سبەی شەممە سەردانیان بكەن بەمەبەستی وەرگرتنی مووچەكانیان.