راچڵەكین-

بەهۆی ئەو شەپۆلی خۆڵبارینە چڕەی عیراقی گرتووەتەوە، گەشتە ئاسمانییەكان لە فڕۆكەخانەی نێودەوڵەتی بەغدا راگیران.

كارگێڕی فڕۆكەخانەی نێودەوڵەتی بەغدا لەراگەیەندراوێكدا ئاماژەی بەوەكردووە:" بەهۆی ئەو شەپۆلی خۆڵبارینەی بەغدای گرتووەتەوەو ئاستی بینین بۆ 300 مەتر كەمبووەتەوە، بڕیارماندا بە راگرتنی گەشتە ئاسمانییەكان  لەفڕۆكەخانەدا."

ئەوەش روونكراوەتەوە، لەداهاتوودا هەر گۆڕانكارییەك رووبدات گەشتیاران و كۆمپانیاكانی گەشتیاری ئاگادار دەكرێنەوە.