راچلەکین-
ئەنجوومەنی باڵای فەتوای هەرێم لە بارەی هاوسەرگیری مسیار بڕیاریدا و دەڵێت:" بۆ کۆمەڵگای ئێمە گونجاو نییە و بە پەسندی نازانین".
ئەنجوومەنی باڵای هەرێم روونکردنەوەیەکی لەسەر هاوسەرگیری مسیار بڵاوکردووەتەوە و دەڵێت:"لەم چەند ڕۆژەی دواییدا پرسی هاوسەرگیری میسیار لە چەند کەناڵێکی ڕاگەیاندن و سۆشیال میدیاوە بووە مژاری ڕۆژو، هاووڵاتیانی بەو بابەتەوە سەرقاڵ کرد".
ئەنجوومەنەکە دەشڵێت:" ئێمە لە ئەنجومەنی باڵای فەتوای یەکێتی زانایان سەرنجی موسوڵمانان و هاووڵاتییان بۆ ئەو ڕاستیە ڕادەکێشین، کە ئەو زەواجە پێچەوانەی عورفی کۆمەڵگای کوردییه و بۆ کۆمەڵگای ئێمە گونجاو نییە و بە پەسندی نازانین بە هۆی نەگونجانی لە گەڵ مەقاصيدەکانی هاوسەرگیری لە ئیسلامدا".
ئەنجوومەنەکە داوا لە زانایانی ئایینی دەکات کە خۆیان لە ئەنجامدانی گرێبەستی ئەو هاوسەرگیرییە بە دوور بگرن.