راچڵەکین –
نیو بەنج چییە ؟
نیو بەنج بریتییە لە بەنج کردنی لە ناوک بەرەو خوارەوەی
جەستەی نەخۆشەکە تا هەست بە ئازار نەکات، و تەنها بۆ ئەو نەشتەرگەرییانە بەکاردێت
کە لە ناوک بەرەوە خوارن، ڕێگەیەکی سەلامەتە بۆ نەشتەرگەری، دەکرێت ئازاری دوای
نەشتەرگەری کەم بکاتەوە و پێویستت بە دەرمانی ئازارشکێن نەبێت.
*دەکرێت بۆ چەندین جۆری
نەشتەرگەری بەکاربێت وەک:
-نەشتەرگەری فتقی ناووک
-دانانەوەی کڵاوەی
ئەژنۆ یان پێ
-دەکرێت لەکاتی مناڵ
بوون بەکاربێت
-نەشتەرگەری جومگەی
سێبەندە
هەندێک لە نەخۆشەکان لەدوای ئەم بەنجە تووشی ژانەسەرێکی
زۆر دەبن، هەروەها هێڵج و ڕشانەوە بۆماوەی (٣-١٠) ڕۆژ بەردەوام دەبێت، ئەمە هیچ
ترسێک نییە و بە چەند ڕێنماییەک چارەسەر دەکرێت.
ئایا نیو بەنج دەبێتە هۆی نەخۆشی فەقەرات یاخود ئازاری
بەردەوامی پشت؟
وەڵام: نەخێر بەهیچ جۆرێک ئەم بەنجە نابێتە هۆی دروست
بوونی کێشەی بەردەوامی پشت بۆ نەخۆشەکە
ئەژین هاشم عەلی، پسپۆڕی نەشتەرگەری گشتی