راچڵەکین –

کەشناسی پێشبینی دەکات کەشوهەوای کوردستان سارد بێت و لە ئەمشەوەوە تا بەرەبەیانی سبەینێ ئەگەری بەفربارین لە ناوچە شاخاوییەکان هەیە.

بەشی پێشبینی لە وەزارەتی گواستنەوە و گەیاندنی هەرێمی کوردستان رایگەیاند ئەمڕۆ چوارشەممە، کەشوهەوا سارد و ئاسمان نیمچە هەور دەبێت، ئەگەری کەمێک بەفر لە ناوچە شاخاوییەکان هەیە لە کاتەکانی شەودا.

سەبارەت بە سبەینێش رایگەیاند ئاسمان ساماڵ و پەڵە هەور دەبێت، لە ناوچە سنووریەکان و شاخاوییەکان نیمچە هەور دەبێت لە کاتەکانی بەیانی زوودا.

ئەوەشیخستەڕوو بەرەبەاینی سبەینێ ئەگەری بەفربارین لەسەر ناوچە سنوورییەکان هەیە.

بەرزترین پلەکانی گەرمای پێشبینیکراو بە پلەی سیلیزی :
هەولێر     :  10 پلەى سیلیزى
سلێمانی    : 9 پلەى سیلیزى
دهۆک      :  10 پلەى سیلیزى
کەرکوک  : 12 پلەى سیلیزى
هەڵەبجە   : 10 پلەى سیلیزى
زاخۆ      :   10 پلەى سیلیزى
سۆران    :  6 پلەى سیلیزى
گەرمیان  :  14 پلەى سیلیزى