راچڵەکین –
کەشناسی پێشبینی دەکات لێزمە باران
و هەورە تریشقە چەند ناوچەیەکی هەرێمی کوردستان بگرێتەوە و ئەمڕۆش ئەگەری نمە
باران هەیە.
بەشی پێشبینی لە وەزارەتی
گواستنەوە و گەیاندنی هەرێمی کوردستان بڵاویکردەوە، ئەمڕۆ شەممە، ئاسمان لە نێوان
نیمچە هەور بۆ هەوری تەواو دەبێت و لە کاتەکانی شەودا ئەگەری نمە باران هەیە بە
تایبەتی لە ناوچەکانی باکووری رۆژئاوای هەرێم.
روونیشیکردەوە سبەینێ یەکشەممە، ئاسمان
هەوری تەواو دەبێت لەگەڵ بارینی بارانی مام ناوەند لە دوای نیوەڕۆ و لە هەندێك ناوچەدا
باران بە لێزمە دەبێت و هەورە تریشقەشی لەگەڵدا دەبێت.
بەرزترین پلەکانی گەرمای
پێشبینیکراو بە پلەی سیلیزی :
هەولێر : 20
سلێمانی : 19
دهۆک : 19
کەرکوک : 23
هەڵەبجە : 20
زاخۆ : 19
سۆران : 18
گەرمیان : 25