راچڵەکین –
بە پێی گشتاندێکی وەزارەتی دارایی، بڕیار لەسەر رێکخستنەوە و
بەناوەندیکردنی داهاتە گشتییەکانی هەرێمی کوردستان درا.
بەپێی نووسراوێك كە واژووی ئاوات شێخ جەناب وەزیری دارایی و ئابووریی
هەرێمی كوردستانی لەسەرە، "بڕیاردرا بە رێكخستنەوە و بە ناوەندیكردنی سەرجەم
داهاتە گشتییەكانی هەرێمی كوردستان، بە جۆرێك كە گشت داهاتەكان لە هەژماری داخراوی
تایبەت بە داهاتە گشتییەكان دابنرێن و بە (اشعار) بخرێنەسەر هەژماری داخراوی
وەزارەتی دارایی لە بانكی منارە".
گشتاندنەکە پاڵپشت بە بڕیارەکەی هەفتەی رابردووی ئەنجوومەنی وەزیران و کۆبوونەوەکەی
دوێنێی سەرۆکوەزیران و جێگرەکەی و وەزیرە پەیوەندیدارەکان دراوە کە سەبارەت بە
رێکخستنەوەی دارایی گشتی ئەنجام درا.
گشتاندنەکەی وەزارەتی دارایی ئاڕاستەی گشت وەزارەتەکان و فەرمانگەکانی
بەستراو بە وەزارەت و وەزارەتی شارەوانی و گەشتوگوزار کراوە.