راچڵەكین-

پارتی چەپی سەوز و هەدەپە ئاشكرایانكرد، لەگەڕی دووەمی هەڵبژاردنی سەرۆكایەتی توركیا، دژی دەسەڵاتداری رەجەب تەیب ئەردۆغان دەنگ دەدەن.

ئەمڕۆ پێنجشەممە، پارتی چەپی سەوز و هەدەپە، لەكۆنگرەیەكی ڕۆژنامەوانیدا هەڵوێستی خۆیان سەبارەت بە خولی دوەمی هەڵبژاردنی سەرۆكایەتی كۆماری توركیا راگەیاندو ئاماژەیان بەوەكرد 28ی ئەم مانگە لە هەڵبژاردنی سەرۆكی توركیادا لە دژی رەجەب تەیب ئەردۆغان دەنگ دەدەن، ئەوەش بەو واتایە دێت كە دەنگەكانیان بۆ كەمال كڵچدارئۆغڵوو، سەرۆكی جەهەپە و كاندیدی هاوپەیمانیی میللەت بۆ پۆستی سەرۆككۆماری توركیا دەبێت.

سینان ئۆغان، كاندیدی هاوپەیمانیی ئاتا رایگەیاند، لەگەڕی دووەمی هەڵبژاردنی سەرۆكایەتی توركیا دەنگ بە رەجەب تەیب ئەردۆغان، كاندیدی هاوپەیمانی جمهور بدەن. داوای لە دەنگدەرانی كرد، رۆژی 28ی ئایار لە گەڕی دووەمی هەڵبژاردنی سەرۆككۆماری توركیا، دەنگ بە رەجەب تەیب ئەردۆغان، بەربژێری هاوپەیمانیی جمهوور بدەن.

ئەوەش لەكاتێكدا دێت، رۆژی 22ی ئەم مانگە سینان ئۆغان، كەلەگەڕی یەكەمی هەڵبژاردنی سەرۆكایەتی توركیا 5.1%ی دەنگەكانی بەدەستهێنا، لەكۆنگرەیەكی رۆژنامەوانیدا پشتگیریی خۆی بۆ رەجەب تەیب ئەردۆغان لە گەڕی دووەمی هەڵبژاردنی سەرۆكایەتیی كۆماری توركیا راگەیاندو داوای لە دەنگدەرانی كرد لەگەڕی دووەمی هەڵبژاردنی سەرۆكایەتی توركیا دەنگ بە ئەردۆغان بدەن.

لە گەڕی یەكەمی هەڵبژاردنەكەدا رەجەب تەیب ئەردۆغان 49.5٪، كەمال كڵچدارئۆغڵو 44.8٪ و سینان ئۆغان 5.1٪ی دەنگەكانیان بەدەستهێنا.

بڕیارە رۆژی 28ی ئەم مانگە گەڕی دووەمی هەڵبژاردنی سەرۆكایەتی توركیا لەنێوان ئەردۆغان و ئۆغڵۆ-دا بەڕێوەبچێت.