راچڵەكین-

بەرهەمهێنانی شیر لە سەرانسەری جیهاندا، جگە لە ئەورووپا و ئۆقیانوس زیادی كردووە و گەیشتووەتە نزیكەی 928 ملیۆن تۆن.

لە جیهاندا 1ی حوزەیرانی هەموو ساڵێك وەك ''رۆژی جیهانی شیر'' یاد دەكرێتەوە، بەگوێرەی چەند ئامارێكی فەرمی، بەرهەمهێنانی شیر لە ساڵی 2021دا، كەمێك كەمیكردووە و جگە لە ئەوروپا و ئۆقیانوس لە هەموو ناوچەكاندا زیادی كردووە و گەیشتووەتە 928 ملیۆن تۆن.

لە كیشوەری ئاسیا، بەتایبەتی لە هیندستان، چین و پاكستان بەرهەمهێنانی شیر بە بەراورد بە ساڵی پێشتر سەدا 2.9 زیادی كردووە و گەیشتووەتە 400 ملیۆن تۆن.

لە كاتێكدا چاوەڕوان دەكرێت بەكاربردنی بەرهەمەكانی شیر لە سەرانسەری جیهاندا لە 10 ساڵی داهاتوودا زیاد بكات، زیادبوونی خواست لەسەر شیر لە هیندستان، پاكستان و ئەفریقا وەك هۆكاری سەرەكی ئەوە خراوەتەڕوو.

بەپێی پێشبینییەكانی رێكخراوی خۆراك و كشتوكاڵی نەتەوە یەكگرتووەكان، چاوەڕوان دەكرێت لە ساڵی 031دا، زیاتر لەسەدا 30ی بەرهەمی شیری جیهان هیندستان و پاكستان بەرهەمی بهێنن.

سەرەڕای زیادبوونی بەرهەمهێنانی شیر لە 10 ساڵی رابردوودا، پێشبینی دەكرێت چین بەرگریی لە پێگەی خۆی بكات وەك گەورەترین هەناردەكاری شیر.