شەڕەكەی مەسك و زوكەربێرگ راستەوخۆ پەخش دەكرێت

هەمەڕەنگ

06/08/2023     ژمارەی بینراو 341

راچڵەكین-

دامەزرێنەری هەردوو كۆمپانیای سپەیس ئێكس و تێسلا و خاوەنی تویتەر، رایگەیاند، شەڕی نێوان خۆی و مارك زوكەربێرگ، بەڕێوەبەری جێبەجێكاری كۆمپانیای مێتا لە پەخشی راستەوخۆدا لە تویتەر دەگوازرێتەوە تا هەمووان بینەری بن.

ئیلۆن مەسك لە تویتێكدا ئاماژەی بەوەداوە، داهاتی شەڕی نێوان خۆی و زوكەربێرگ دەچێتە بواری خێرخوازی بۆ سەربازە خانەنشینەكان.

مەسك لە تویتێكی دیكەدا دەڵێت: من رۆژانە قورسایی بەرز دەكەمەوە و خۆم بۆ شەڕەكە ئامادە دەكەم.

مانگی حوزەیرانی 2023، ئیلۆن مەسك بە فەرمی داوای لە مارك زوكەربێرگ كرد لەنێو قەفەسی زۆرانبازیدا رووبەڕووی ببێتەوە، لەلای خۆیەوە مارك زوكەربێرگ داواكەی قبوڵ كرد و پێی راگەیاند، كە شوێنێك بۆ زۆرانەكە دیاری بكات.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن