راچڵەكین-

بەرپرسانی زانكۆی سلێمانی وادەی شكاندنی بایكۆت و دەستكردن بەساڵی نوێی خوێندنی 2023-2024 ئاشكرا دەكەن.

پێشڕەو حەمەجان یاریدەدەری سەرۆكی زانكۆی سلێمانی بۆ كاروباری خوێندكاران رایگەیاند:" ئەمڕۆ چوارشەممە، لە روانگەی خەمخۆری بۆ داهاتووی 23 هەزار خوێندكاری زانكۆی سلێمانی و هەڵنەپەساردنی ساڵی خوێندنی 2023 - 2024 سەرجەم خوێندكاران ئاگادار دەكەینەوە، هەفتەی داهاتوو پڕۆسەی خوێندن دەستپێدەكاتەوە".

وتیشی:" وەك فەرمانگەی كاروباری خوێندكاران داواكارین خوێندكارانی كۆلێجەكان بەپیی خشتەی وانەی كۆلێجەكانیان كە بەم نزیكانە لەلایەن كۆلێجەكانیان بڵاودەكرێتەوە، سەردانی كۆلێجەكانیان بكەن".

یاریدەدەری سەرۆكی زانكۆی سلێمانی بۆ كاروباری خوێندكاران ئاماژەی بەوەشكرد:" هاوكات داواكارین خوێندكارانی دەرەوەی شار بەپێی خشتەی دابەشكردنی بەشە ناوخۆییەكان كە بەم نزیكانە لەلایەن بەڕێوەبەرایەتی بەشە ناوخۆییەكانەوە بڵاودەكرێتەوە، سەردانی بەشە ناوخۆییەكان بكەن".