راچڵەكین-
بانكی ناوەندی عیراق، دەستپێكردنەوەی فرۆشتنی قاڵب و دراوە زێڕینەكانە رادەگەیەنێت و دەڵێت، بۆ مەبەستە بانكە ئەهلی و حكومییەكان دەتوانن داواكاری پێشكەش بكەن.
بەپێی راگەیەندراوێك كە ئەمڕۆ سێشەممە، لەلایەن بانكی ناوەندی عیراق بڵاوكرایەوە"بڕیاریانداوە لە سبەینێ چوارشەممەوە، دەست بە فرۆشتنی قاڵب و دراوە زێڕینەكان بكەن، فرۆشتنەكەش لەڕێگەی سەكۆی ئەلیكترۆنییەوە دەبێت".
هەر لە راگەیەندراوەكەدا هاتووە"بانكە حكومی و ئەهلییەكان دەتوانن لە رێگەی ئەو سەكۆ ئەلیكترۆنیەی بۆ ئەو مەبەستە دیاری كراوە، داوای كڕینی قاڵب و دراوی زێڕین بكەن، فرۆشتنەش بەپێی ئەو رێسا و رێنماییانە دەبێت كە لەلایەن بانكی ناوەندی عیراقەوە دەرچوون".