راچڵەكین-

شاخەوان عەبدوڵا، جێگری سەرۆكی ئەنجومەنی نوێنەرانی عیراق رایدەگەیەنێـت، لەلایەن چەند چەكدارێكەوە تەقە لەنووسینگەی كەركوك-یان كراوە، بەڵام ڕووداوەكە زیانی گیانی نەبووە.

شاخەوان عەبدوڵا، دەڵێت:" بەرەبەیانی ئەمرۆ لەكردەوەیەكی ترسنۆكانە تەقە لەنوسینگەی كەركوكمان كراو دەست بەجێ لەلایەن پاسەوانەكانەوە وەڵام درایەوەو ئۆتۆمبیلەكە كە لەجۆری تویتا كامریە پێكێنرا، بەڵام توانی هەڵبیت."

دەشڵێت:" وێرای داواكردنمان لەدەزگا ئەمنییەكان بۆ دۆزینەوەی ئەنجامدەرانی ئەم كردەوەیە، خەڵكی بەشەرەفی كەركوك دڵنیا دەكەینەوە ئەم هێرشە هاوشێوەی هێرشەكانی پێشوو لەخزمەتكردنی سەرجەم پێكهاتەكانی كەركوك رامان ناگریت ."