راچڵەكین-
ئیسماعیل هەنیە، سەرۆكی مەكتەبی سیاسی بزوتنەوەی حەماس رایدەگەیەنێت، بزوتنەوەكە لە گەیشتن بە رێككەوتنی ئاگربەست لەگەڵ ئیسرائیل نزیكبووەتەوە، لەكاتێكدا ئۆپەراسیۆنە سەربازییەكان لە غەززە و بوردومانكردنی ئیسرائیلیش لەلایەن حەماسەوە بەردەوامن.
بەپێی راگەیەندراوێك كە لەلایەن یاریدەدەرەكانییەوە بۆ رۆیتەرز نێردراوە، هەنیە رایگەیاندووە"بزوتنەوەی حەماس وەڵامی قەتەر و نێوەندگیرەكانی داوەتەوە و ئەوان لە گەیشتن بە رێككەوتنی ئاگربەست نزیكبوونەتەوە".
هیچ وردەكارییەك لەبارەی بڕگەكانی رێككەوتنە چاوەڕوانكراوەكە لەلایەن رۆیتەرزەوە بڵاونەكراوەتەوە و ئیسرائیلیش لەو باریەوە هیچ زانیارییەكی بڵاونەكردووەتەوە.
كەرتی غەززە كە چەند ساڵێكە گەمارۆدراوە، لەو دەمەی بزوتنەوەی حەماس ئۆپەرۆاسیۆنی "گەردەلولی ئەقسا"ی دەستپێكرد، رووبەڕووی بۆردومانێكی چڕبووەتەوە و هەزاران كەس بەو هۆیەوە بوونەتە قوربانی.